Policia e Kosovës më 1 korrik fillon patrullimin në Shqipëri

19:53 | 30 Qershor 2021
Përparim Bublaku

Policia e Kosovës dhe ajo e Shqipërisë, nga nesër fillojnë patrullimin e përbashkët, aktivitet ky që organizohet tash e disa vite, gjatë sezonit veror në Shqipëri.

Për fillimin e këtij aktiviteti do të organizohet edhe një konferencë për medie, e cila do të mbahet në Pikën e Kalimit Kufitar në Vërmicë nga ora 10:00

Njoftimi i plotë:

Turni i parë i zyrtarëve policor të Policisë së Kosovës, gjegjësisht të Njësive Rajonale të Komunikacionit Rrugor (NJRKRR) dhe Njësisë për Kontroll të Autostradave (NJKA), do të udhëtojnë për në Republikën e Shqipërisë, nesër, me datë 01.07.2021.
Konferenca për media do të mbahet në ora 10:00, në Pikën e Kalimit Kufitar në Vërmicë. Pastaj, së bashku me autoritetet e Policisë së Shtetit Shqiptar zyrtarët policor do të vazhdojnë për në Republikën e Shqipërisë, për detyrën konkrete sipas memorandumit për bashkëpunim./arbresh.info/